"Мамлакатимизда озиқ-овқат маҳсулотлари юқори суръатлар билан ишлаб чиқарилаётганидан кўнглимиз тўқ бўлиши учун бугун бизнинг барча асосларимиз бор.Ўтган 10 йил давомида юртимизда мева ва сабзавот, полиз маҳсулотлари ва узум етиштириш бўйича эришилган ўсиш суръатлари айнан шундан далолат беради. Мисол учун, 2004-2013 йилларда сабзавот етиштириш доллар ҳисобида 7,7 баробар, мева етиштириш 5,1 карра, полиз маҳсулотлари 7,8 марта, узум 8,7 баробар ўсди", дея таъкидлаган эди Президентимиз "Ўзбекистонда Озиқ-овқат дастурини амалга оширишнинг муҳим захиралари" мавзусидаги халқаро конференциянинг очилиш маросимидаги нутқида.

Давлатимиз раҳбарининг 2006 йил 11 январдаги "Мева-сабзавотчилик ва узумчилик со­ҳасини ислоҳ қилиш бўйича таш­килий чора-тадбирлар тўғ­ри­сида"ги қарорига мувофиқ мева-сабзавотчиликка ихтисос­лашган 40 мингдан зиёд фер­мер хўжалиги ташкил этилди. 2008 йил 20 октябрдаги "Озиқ-овқат экинлари экиладиган майдонларни оптималлаш­ти­риш ва уларни етиштиришни кўпайтириш чора-тадбирлари тўғрисида"ги Фармони эса соҳада амалга оширилаётган ислоҳотлар изчиллигини таъ­мин­лади.

Ҳақиқатан, ислоҳотлар сама­расини бугун вилоятимиз миқё­сида ҳам яққол кўришимиз мумкин. Сўнгги йилларда бо­зор­ларимизнинг сархил меваю қуёшли ўлкамизнинг саховатли нурларидан тўйинган полиз, саб­завотлар, тилими тилни ёрадиган қовун, тарвузлар би­лан тўкин бўлаётгани ҳам  соҳибкорларимизнинг фидойи меҳнатлари натижасидир.

 Ўзбекистон Республикаси Вазирлар Маҳкамасининг 2014 йил 4 декабрдаги "2015 йилда мева-сабзавот маҳсулотлари, картошка, полиз ва  узум ишлаб чиқариш ҳамда улардан фойда­ланиш прогноз параметрлари  тўғрисида"ги 334-сонли қарорига асо­сан барча тоифа хўжаликларда  жами  540 минг 400 тонна, жумладан, 227 минг тон­на сабзавот, 66 минг 600 тонна полиз, 66 минг 500 тонна кар­тошка, 105 минг 300 тонна мева, 75 минг тон­­на узум маҳсу­лотлари етиш­тириш белгилан­ган. Ҳо­зирда мева-сабзавот, картошка ва по­лиз маҳсулот­ла­ридан ҳо­сил йи­ғи­либ, бозор­ларга чиқа­рилмоқ­да. Ўтган йил куз ва эрта баҳорда барча тои­фадаги хўжа­ликларда асосий ва оралиқ май­донларда 6974 гектарга сабза­вот, 2922 гектаркартошка ва 1226 гектармай­дон­га полиз экин­ларининг экили­ши тўлиқ таъминланди.

Бундан ташқари, фермер хўжаликларининг дала четлари, уватлар ва бўш майдонларга жами 345 гектар сабзавот, полиз, картошка ва бошқа экин­лари экилди.

Мавжуд ва ёш боғ қатор ора­ла­ридан самарали фойдала­ниб, қўшимча даромад олиш мақсадида 425 гектарда сабза­вот, полиз, картошка ва бошқа турдаги экинлар экилди. Бун­дан 5500 тонна маҳсулот олиниб, 2,6 миллиард сўм­дан ортиқ да­ро­мадга эга бўлиш кўзда тутилган, — дейди вилоят қишлоқ ва сув хўжа­лиги бошқармаси му­та­хас­сиси Суннат Тешаев.  

Янги боғ-токзорлар барпо этиш, мавжудларини қайта тик­лаш борасида ҳам муайян иш­лар қилинмоқда. Вилоят бўйича 64 гектаринтен­сив мевали боғлар ва 135 гек­тар янги токзорлар барпо этил­ган.

Шунингдек, ҳудудларда кам ҳосилли, иқтисодий самара бер­­маётган 36 гектар яроқсиз боғ ва 135 минг гектар яроқсиз токзор қайта тикланди. 

Кейинги йилларда аҳоли ер участкаларидан самарали фой­даланиш, томорқа маданияти­ни оширишга алоҳида эътибор қаратилмоқда. Томорқа мада­ния­тини ошириш, экин ерла­ри­дан бир йилда уч-тўрт марта­гача ҳосил олиш тажрибаси ҳар бир хонадонда оммалашиб бораётгани сир эмас. Томорқа маданияти самарадорлигини ошириш мақсадида ишлаб чиқилган чора-тадбирлар ижро­си қатъий назоратга олинган.

Аҳоли эҳтиёжини ва 2015 йил куз ва 2016 йил баҳор мавсум­лари учун захирага маҳсулот­лар йиғишни инобатга олиб, ер майдонлари сув йўналишига қараб, экинлар жойлаштирил­ди. Бунинг учун эртанги сабза­вот, полиз маҳсулотлари йи­ғиш­ти­риб олинган ва ғалладан бўша­ган майдонлардан  унумли фой­даланиш талаб этилади. Қа­рийб 10400 гектардан ортиқ майдонга экилган такрорий экинлардан 110 минг тоннадан ортиқ озиқ-овқат маҳсулотлари етиштирилиши кўзда тутилган. Бу, ўз навбатида, жорий йил­нинг кузи ва келгуси йилнинг қиш ва баҳор ойларида ви­лоят­нинг барча бозорларида нарх-навонинг арзонлиги ва барқа­рорлигини таъминлашда муҳим омил бўлиб хизмат қилади.

Dustlikbayrogi.uz сайтидан олинган

 

Агарда Сиз мақолада хатони учратган бўлсангиз, унда хато матнни белгилаб, CTRL + ENTER  тугмасини босинг ва сайт маъмурига хабарнома жўнатинг.